陳建波患腸胃炎抗拉布

　　

陳建波

　　大公網6月29日訊 （記者黃昱）立法會會期進入尾聲，但素有「怪醫」之名的醫學界立法會議員梁家騮臨尾竟然玩起「神經刀」，就改革醫委會的修訂條例草案拉布。公民黨郭家麒等人亦完美示範如何在一夜之間「華麗轉身」，毫不猶豫咁「轉軚」加入佐「拉布軍團」。

　　召集議員的「催命鐘」毫無預兆咁再次不斷響起，大家都被殺個措手不及。但最陰功的應該係保險界的陳健波，佢昨日急性腸胃炎發作，本應立即去醫院睇病，但又怕離開立法會範圍之後，萬一人數不夠引致流會。面青口唇白的波哥只能「亡命」奔波在會議室和男廁之間，最終忍耐到晚上流會才趕去搵醫生。如此「搏命」,食物及衛生局局長高永文自然感激，佢在見記者的時候首先慰問波哥。