图：Captain Tong喺《冲上II》无论教弟弟吴卓羲抑或教学生都河系硬绑绑不留情面，
现实中教囝囝方法一样。
新加坡没乜嘢？没可乐，又没香口胶。有乜嘢？有严格的教育制度。Captain Tong吴镇宇，正正就是决定5岁嘅囝囝Feynman，送去新加坡读小学。
出名锡仔锡到燶嘅镇宇，之前做访问时已讲明唔会刻意“亲子”，仲话：“由佢自由发展，点解要强求同人哋嘅生活一样呢？几多天王巨星单亲家庭呀！我依家又唔系单亲家庭，只不过系爸爸要去做其他嘢，我谂唔应该有个谱喺度。”即使有时留在香港，两仔爷亦唔系成日见到：“个仔只系瞓觉嗰阵知我瞓咗喺佢隔篱o架啫！佢朝早七点起身返学，跟住返嚟屋企，九点瞓觉。最多系夜晚见一阵，但呢一阵见同唔见，分别唔大啰！”
太太是新加坡人，故镇宇最近决定，安排儿子喺当地读书，而且早前亦已举家到当地“视察环境”。今日有报道指，镇宇睇中一间公立名校，年年出状元，出名校风严谨，而且着重教导学生“礼义廉耻”。据知情者谓，镇宇觉得小朋友一定要管，做错事一定要闹，唔可以俾佢喺太舒服嘅环境下长大，所以决定送佢去新加坡读书，就系希望“严师出高徒”。上月底镇宇就举家到当地睇过间学校同面试，得咗之后再飞返去办入学手续。
约两年前镇宇接受专访，分享教仔之道，当时囝囝仲细，但镇宇嘅教仔方法已经好辣。例如囝囝食饭时周围郁坐唔定，镇宇就将热辣辣嘅碟俾佢掂，之后囝囝就会记住；又试过一次，镇宇教囝囝落楼梯一定要有人陪，但囝囝唔听，镇宇话当时“把他推一推，哦，原来会跌的，以后就知道要怎样做。”呢种军训式教仔法，都几似《冲上云霄II》嘅Captain Tong。
图：镇宇就系睇中呢间新加坡公立培群学校，早前仲带囝囝嚟面试。
