Twins廣州巡唱 無懼狂迷

Twins相隔5年內地開騷。（發相）

全場一萬二千觀眾，反應熱烈。（發相）

　　大公網5月22日訊(記者溫穎芝) TwinsLOL 世界巡迴演唱會昨晚於廣州舉行，今次Twins相隔五年再返內地開唱，門票火速售罄。但這幾天天氣不穩定，歌迷都擔心演唱會受影嚮。Twins雖然是坐車上廣州，不受班機取消影響，但也因為大雨關係，塞了六小時車才到達現場綵排， 幸好開騷當日天公造美，終於放晴。

　　是次Twins世界巡迴，由四面台改為三面台演出，二人都要花很多時間重新再排練，大會特地為他們兩人買重幾千萬保險，同時也謹慎檢查多次關機，確保安全。

　　演唱會期間，不少歌迷想起身跳舞，但遭公安阻止，最後 twins 忍不住幫口說：「我們難得十五週年大派對，不要理喇！大家一齊起身跳舞啦！如果不准，扮坐下，之後又再起身囉！」最終在臨完場前，全場歌迷也站了起來跳舞狂歡，有些歌迷更站上椅上跳。

　　阿SA又說：「眨個眼就十五年， 時間過得太快，現在回想好似是前幾日自己才剛出道一樣，好開心十五年來有個阿嬌一直在自己身邊，跟我一齊渡過好多日子。 」阿嬌亦多謝大家多年來的支持，希望接下來有更多的十五年。她亦對阿SA說「我愛你」。

　　　二人之後接受訪問，提到劉亦菲被男歌迷衝上台撞跌台上，阿Sa表示不怕，以前都試過有男歌迷衝上台，幸好助手幫忙拉走對方。阿嬌指粉絲其實大部份都好乖，現場又有保安，都好放心的。